ગુજરાતના કોઈ એક શહેરના લોકોની ટ્રાફીકનું અવલોકન ::::
(નમ્ર સુચના: કોઇ નગરજને બંધબેસતી પાઘડી, ટોપી, ઓઢણી, ઇંઢોણી, ટોપા, હેલ્મેટ ઉપરાંત માથા ઉપર જે કાંઇ જ પહેરી શકાતું હોય તે પણ પહેરવું નહી)
- જો કોઇ સતત ડાબી બાજુ કે જમણી બાજુ જોતો જોતો ટુ-વ્હીલર ચલાવતો હોય તો માની જ લેવાનું કે એ ભાઇ/બહેન એ દીશામાં માન ભેર (કોઇ ને જાણ કર્યા વગર) વળાંક લેશે જ.
- ટુ વ્હીલર ચાલક ભાઇ જ્યારે ડાબી તરફ સહેજ ઝુકીને ચલાવે તો સમજવાનું કે એ પાન/મસાલા જેવા દ્ર્વ્યોના ભારી માત્રામાં જાહેર વીસર્જન કરશે. (એ જમણી તરફ પણ ઝુકી શકે - કોઇ જ મોટાઇ નહી)
- રોડ ઉપર ડીવાઇડર એ સ્ટીપલ ચેઇઝનું પ્રેક્ટીસ માટે આદર્શ સ્થાન છે. માટે કોઇ પણ રોડ ઉપર ક્યાંય પણ રોડ ડીવાઇડર ઉપરથી માણસો અચાનક ટપકી શકે છે. (તમારે ધ્યાનથી ચલાવવું, એ તો આઝાદ દેશના મહા-આઝાદ નાગરીક છે અને અલભ્ય પ્રાણી હોવાને કારણે એમની સુરક્ષા એ વાહન ચાલકની નૈતીક ફરજ છે)
- કોઇ પણ ફોર વ્હીલરનું ડ્રાઇવર સાઈડનું બારણું જો થોડું ખુલે (વાહન ચાલુ જ હોય) તો પણ એ સજ્જન રસ્તા ઉપર થુક વિસર્જનની ક્રીયા કરશે. એમને ખલેલ ન પહોંચે તે અવશ્ય ધ્યાન રાખવું.
- બહેનો અને સ્કુટી (જાણે રબને બનાદી જોડી) લટકતા પગ, અને સ્કુટી (અહીં સ્કુટી એટલે એક્ટીવા, પ્લેઝર, વેગો, એસેસ કે કોઇ પણ) ચલાવવું એ કઠીન કામ છે. એમાં બ્રેક મારવી એ વધુ કઠીન કામ છે. સીગ્નલ આપવું એટલે શું? એ પ્રશ્ન અસ્થાને છે, એમના ભાઇઓ કૌરવ કરતાં પણ વધારે હોય છે. એટલે આપ જો એમના રસ્તામાં વચ્ચે આવશો, અને આપની કોઇ ભુલ (બહેનો જીવનમાં ક્યારેય કોઇ જ ભુલ ન કરે - આવું દરેક પથ્થર ઉપર શીલાલેખ હોય છે) તો એ જ કૌરવો આપને શારીરીક પીડા આપશે જ. એમનો હક્ક છે. કેટલાયના સંસાર આમાંથી બનેલા છે.
- રોડ ડીવાઇડર તો રસ્તા વચ્ચે જગ્યા રોકવા જ સર્જાણા છે. રસ્તાની કોઇ પણ બાજુ વાહન ચલાવવા એ અબાધીત હક્ક છે. અને એને ચેલેન્જ કરનાર આ જગતમાં હ્જજી સુધી કોઇ જ સર્જાણું નથી. તમે કે હું પણ નહી. જેને મનમાં આવે એમ ચલાવે.
- આવું લખવાથી જો સમાજમાં લોકો સુધરશે તો એ પણ મારો ગુજરાતની સુંદર ટ્રાફીક સેન્સ જેવો એક મોટો કોઈ જોક જ છે.
#આ_તો_એક_વાત #વ્યર્થ_પ્રયાસ
